iOS 14 - தீ அபாய அறிவிப்பொலி போன்ற ஒலிகளை அறிவிக்ககின்றது!

தீ எச்சரிக்கை ஒலி மற்றும் கதவு மணி ஒலிகள் போன்ற முக்கியமான ஒலிகளைப் பற்றி பயனர்களுக்கு அறிவிக்கக்கூடிய ஒலி அங்கீகாரத்தினை இஓஸ் 14 இல் ஆப்பிள் சேர்த்துள்ளது. கேட்க கடினமாக உள்ளவர்களுக்கு இது மிகவும் உதவியாக இருக்கும். இது ஒரு பயனுள்ள அம்சமாக இருக்கும் என தெரிவிக்கப்படுகின்றது.

இந்த அம்சம் உங்கள் ஐபோனில் இயக்கப்பட்டிருக்கும்போது, உங்கள் ஐபோன் தொடர்ந்து சில ஒலிகளைக் கேட்கும் என்று ஆப்பிள் கூறுகிறது, மேலும் இது சாதன நுண்ணறிவைப் பயன்படுத்துவதால், அந்த ஒலிகள் அங்கீகரிக்கப்படும்போது உங்களுக்குத் தெரிவிக்கும். தீ அபாய ஒலிகள், சைரன்கள், ஸ்மோக் டிடெக்டர்கள், பூனைகள், நாய்கள், வீட்டு உபகரணங்கள், கார் எச்சரிக்கை ஒலி, கதவு மணி ஒலிகள், தட்டுவது, தண்ணீர் ஓடுவது, ஒரு குழந்தை அழுவது, கூச்சலிடுவது போன்ற ஒலிகள் இதில் அடங்கும் என தெரிவிக்கப்படுகின்றது.

உங்களுக்கு பாதிப்பு அல்லது காயம் ஏற்படக்கூடிய சூழ்நிலைகளில், அதிக ஆபத்து அல்லது அவசரகால சூழ்நிலைகளில் இந்த ஒலி அங்கீகாரத்தை நம்பக்கூடாது என்று ஆப்பிள் கூறுகிறது. இந்த அம்சம் இப்போது பீட்டாவிலும் உள்ளது.

அணுகல் மெனுவின் கீழ் அமைப்புகள் பயன்பாட்டில் ஒலி அங்கீகாரத்தை இயக்க முடியும், (Sound Recognition can be enabled in the Settings app under the Accessibility menu) மேலும் சாதனத்தில் 5.5MB தேவைப்படுகிறது. கட்டுப்பாட்டு மையத்தில் பயனர்கள் அம்சத்தை விரைவாக அணுகலாம், மற்றும் எந்த ஒலிகளின் எச்சரிக்கை உங்களுக்கு தேவை என ஒலிகளின் பட்டியலில் இருந்து தேர்வு செய்யலாம்.